والعالم كله تقيـــــــــــــــــــــــــــــل ع القلب
تقل الرزه ع النمله في آخر ليلة خريف
قبل البيات في الجحور وقت الشتا
تقل أحلام البنات في ليلة صيف
جاها النسيم متنهده
تقيل وجع الصحاب... وجع الأحبه
وصوت بكا محشور
يسد أنفاس الرئه
يهد أحلام الصبا
ولما يسيل يزيد ويجرف من طمي القلب
مقدار الإخلاص والفدا
بيجرف كل قصر ود اتبني جواه
وكأن قلب البني آدم منا
أرض الخضار الطيبه
من كتر الوجع صبحت خراب وميته...
المشاركات
ليست هناك تعليقات:
إرسال تعليق