شبورة

غلابى يا بتوع القاهرة سحابة الدخان بيقولوا عليها شبورة!!!
الشبورة اللي بجد هي اللي تعمل حب لولي الساعة 7 الصبح فوق رمش العين واحنا رايحين المدرسة وتخلي شعر الحواجب أبيض وشعرنا أبيض ونفضل نضحك على شكلنا ونقول عجزنا،ونلاقي لولي الندى على ورق البوص على جرف النيل متدلي على الطريق،هي دي الشبورة اللي أعرفها...

البوح

ركبت القطر في اكتر من بلد وكل عربية لها ألف حكاية وحكاية ومواعيد زباينه حسب الموسم واليوم والوقت ايه أخلاقه وهيئته... وسرديات كتير متحوشة ومركونة لكن الخجل حائل بينها وبين فعل الكتابة... الخجل من كشف سترهم وفتح مجال للخيال أنه يلعب لعبة القدر... البوح والسرد.

الظلم

وفي كل يوم أدرك معنى "ظلم الحسن والحسين" إدراك المفعول به...