الوشوش



وشوش

وشوش بترسم ع الزمن لحظة تاريخ

تبوح بسر الكون

بتهمس فى الودان همس الغريب وقت الخوف ،

تقول لإيد الزمن انقشى بدقة

افتحى شوارع للغريب وسط التوهة يقدر يخشه ،

يقدر يشد بطرف ايده بسمة أمل

بين الشفايف حبستها الوشوش،

جوه الوشوش صناديق

وكل صندوق فيه سر صاحبه وسر الزمن

 دفاتر بتنسخ من دفاتر لحظة قدر

تبان ع الوشوش بروح فارس بشوش

يطوف بمهره ع الخلايق

سُــــــعاد

أيا سُعاد يا ليت كلمة يا ليت لها قيمة
فما كنا لنذكرها وما كنتِ لتودعينا
وتتركينا
ما حسبنا لحظة السنينَ
فلا الوداع هين ولا الذكرى أخفت الأنينَ
فبئس فراق الأحبة، وبئسها لحظة فارقتينا..
فقط أعلم أنكِ بمكان يستحق نورك وقلبك...

ليلة الوداع

الوردة دى ريحتك فيها أحفظها تذكار لهواكــِ
بإيديكــِ كنتِ قطفتيها والورد يحلى فى إيديكــِ
ساعة الوداع قدمتيها بكيت وقالوا إيه الخبر
قلت الحبايب هجرونى ;( ... ولك السلام فى كل وقت يا أمى؛

مـوال

زرعت فدان جمايل وأربعة معروف
ورويتها ياما شهامة بالذوق وبالمعروف
واللي حماها
أنا... بجدعنة ومعروف
وقلت هل بت تزرع م الجميل قيراطين
أتاريها أرض طين وبتنكر المعروف
"نقيب الصعاليك" عم زكريا...

شاهد الزور

ما أشقــاك يا شاهـد زور
فى الحشـــر حالك يحزن
ذنبك لدى الناس مشهور
في اليوم يبان المخــــزن
"ابن عروس"

إخلاء سبيل علاء عبد الفتاح

عقبالك يا وطن

ست البنات

لك أن ترى ما حدث للفتاتان والأربعة رجال
لك أن ترى من يرتدى زى عسكرى وحذاء أيضًا يتبع الزى العسكرى وهوكوتشى أبيض
لك أن ترى عزة ومن كان معها وهم يحاولان مساعدة الفتاة التى سُحلت
لك أن ترى الثلاثة الذين يرتدون لبس مدنى وممسكين بالعصى ينهالون على الفتاتان ضربًا
ولك يا أعمى القلب أن ترى أنها كانت ترتدى ملابسها
لك أيضًا أن ترى من حملوهم بعد الضرب وحاولوا حمايتهم ولكن بعد خراب مالطا...

 

إصابات 17 ديسمبر 2011

ك س ر/ب ت ر/ ش ر خ
إيه رأيك فى الجيش الوطنى يا ضمير المصرى يا عزيزى
دى القصة مش عاوزة مناظرة أو شد وجذب ومزايدة
على إبن الميدان يا عزيزى...

أسماء المصابين بإصابات حرجة أمام نيابة السيدة زينب

حرق قلبكم شكل المجمع العلمى اللى أغلبكم كان بيمر جنبه ولا يعرف هو إيه أصلًا
وخرائط مصر وحدودها وحقها وتاريخا والتراث العظيم اللى كان من وقت الحملة الفرنسية -العلمية- ويمكن فى مخطوطات فيها من قبل الحملة كمان ريحوا قلبكم وطفوه بميه بس مش زى اللى بتترش على عيال مصر من إمبارح لدلوقت والعسكر إستخسر يطفى بها نارالمجمع العلمى ،أغلب النسخ اللى فيها موجودة فى دار الوثائق ومكتبة الإسكندرية ده غير النسخ الكتير اللى اتباعت للأمير فلان والشيخ علان لأجل كم مليم
بس وأنتم محروقين على المجمع والنار اللى أكلته ،فى نار بتاكل فى صدر أمهات كتير وعيال مصر اللى فى الميدان للأسف ما عملوش نسخ لعيالهم وأصحابهم فى دار الوثائق!!!

لا تصالح

لا تصالح ولو توجوك بتاج الرُتَب
فدم الشباب سال حتى الرُكب
وهتك النساء أمر محتدم
هل يصير دمي -بين عينيك- ماءً؟
أتنسى ردائي الملطَّخَ بالدماء..
تلبس -فوق دمائي- ثيابًا مُطرزةً بالقصب؟
إنها الحربُ!
قد تثقل القلبَ..
أتنسى هتك عرض النساء
ومصر التي جلست تنتحب
فجيش الرجال الشامخون العظام
دهسوا بالأقدام رأسًا تلو رأس
ووقفوا على الشرفات يتناوبون الرقص
قل لهم :أنهم لم يراعوا حق الأخوة في نسل الوطن
واغرس السيف في جبهة أنصار الكنب
فلا الآرائكِ تدوم ولا ساسة النُخب
لا تصالح
ولو وقفت ضد سيفك كل الشيوخ
والرجال التي ملأتها الشروخ
هؤلاء الذين تدلت عمائمهم فوق أعينهم
وسيوفهم العربية قد نسيت سنوات الشموخ
لا تصالح
فليس سوى أن تريد
أنت فارسُ هذا الزمان الوحيد
وسواك.. المسوخ!
"أمل دنقل بتصرف">>>> كُتبت على نهج لا تصالح فى وقت انتهاك العسكر للثورة والثوار.