الخميس، 23 أكتوبر 2014

اللبن وعياله

اللبن له عيال كتير كل واحد له دوره وبهجته اللي بيصنعها لكل الناس...
رحلته بتبدأ من بعد صلاة الفجر تنحلب الجاموسة ويتاخد اللبن برغاويه على مكنة الفرز،بالفتحتين بتاعتها فتحة للبن وفتحة للقشطة أو الدسم بتاع اللبن كله واللي بتقف على المكنة تقلب بنصف أم الخلول ،كانوا بيجيبوا صدفة ام الخلول وياخدوا نصها يقلبوا به اللبن جوه المكنة،يتاخد اللبن الصافي في حلة ودسمه في حلة تانية ، تقوم ست الدار تحط الدسم في الإربة وتخض اللبن يطلع جميد يطلع زبدة ،وتروب اللبن لبن يدخل زبادي ولبن يتصفى في شاشة بيضا ويتصب في الحصيرة ويتعلق يومين وبعد كده يتقطع جبنة ،والجبنة كانت درجات جبنة تدوب زي الكريمه في البؤ ودي الروبه وجبنة قوامها دافي ودي الحليب وجبنة متماسكة ومملحة ودي القريش،وجبنة متحمصة في الفرن ودي اللي بتدخل زلعة الجبنة القديمة...

ليست هناك تعليقات:

 
قُطُوُف - Blogger Templates, - by Templates para novo blogger Displayed on lasik Singapore eye clinic.