الزير سالم بن ربيعة جزء أول ... كلمات

المجموعة:-
الزير سالم الزير سالم الزير سالم بن ربيعة الزير سالم

 الزير سالم الزير سالم الزيرسالم بن ربيعةالزير سالم

الزير سالم بن ربيعة أشجع فارس من الفرسان

 ياما له فى الحرب أيادى وياما هابوه كل الشجعان

الزير سالم الزير سالم الزير سالم الزير سالم بن ربيعة الزير سالم
زينب يونس:-

والقصة دى تبتدى لما كُليب أخوه

 نادوا به أهل البلد يحكم على ديارهم

وعمه وولاد عمه كلهم بايعوه

 إكمنه هزم اليمانى وعلىّ مقدارهم
المجموعة:-

الست الجميلة الغالية جليلة ايش تكون أخبارها
زينب يونس:-

 لكُليب جوزوها وقاموا لها الأفراح

ومُره أبوها اطمن وارتاح
المجموعة:-

والزير سالم اللى عليه حكايتنا قولى عليه يا راوية وسمعينا
زينب يونس:-

عاش مع أخوه كُليب كان له أعزحبيب

 قالوا الناس عن سيفه للأعداء طبيب
المجموعة:-

وأهل اليمانى إيه جرى لهم احكى يا راوية على حالهم 
زينب يونس:-

قالوا لابد إننا نمحى بسيفنا العار

لازم نقوم كلنا نسعى لأخد التار

ونروح نحارب كُليب واللى معاه فى الدار

ياويل كُليب مننا هو وأخوه الزير

 لازم حقوقنا لنا ترجع يا أهل الدار
الراوى:-

"قامت سعاد أخت اليمانى التُبع تحذر الناس من الحروب وتمنع

قالت لهم لو حد راح وحاربهم ولا أى فارس من الديار راح يرجع"
زينب يونس:-

 كان اليمانى قدر خليكوا ناس عاقلين

واللى هقوله تكونوا له يا ناس سامعين

أنا اللى رايحة لبنى مُره وبنى ربيعه وهشعل النار وأفرق شملهم الاتنين
المجموعة:-

قالوا أنتِ مالك ياسعاد سيبى المعارك للرجال

كيف ترحلى لوحدك بلاد اللى أنتِ بتقوليه محال
زينب يونس:-

ردت سعاد قالت لهم أنا عندى حيلة

 هى اللى هتكون الشراره والفتيله

اللى هتشعل بينهم نار

والعالى ينزل ع الجدار
المجموعة:-

قالوا عنها ياما أنها غداره وكانت كياده خداعه ومكاره

ركبت فوق ناقتها ورحلت على الديار وتمت فرحتها فى نهاية المشوار
الراوى:-

"على دار مُره خبطت وفتح لها جساس بن الكبير اللى كان معروف ما بين الناس أنه فارس عنيد من خيرة الفرسان وهامته عالية وطول عمره ما وطى الراس"
زينب يونس:-

قال يا سعاد مرحبا شرفتى دار مُره

الدار دارك يا بنت الأصل والأمرا

قالت يا جساس أنا ضيفتك ومالى سواك

هعيش معاك يا بطل على الحلوه والمره
الراوى:-

"جساس أطلق ناقتها فى مراعى كُليب وكان محرم على دخول المراعى غريب علم كُليب بالخبر قادت فى قلبه النار وقال يا ويل اللى خان يستاهل التعذيب"
زينب يونس:-

وراح كُليب على المراعى والغضب ماليه

يشبه غضب سبع كاسر والشرار فى عينيه

شاف ناقة الضيفه من غيظه سحب سيفه

 قطع جسدها ورماه لكلابه من حواليه
المجموعة:-

جلب النكد لأهل القبيلة

وأخت جساس تبقى جليلة

ايه ياترى اللى جرى

الراوى:-

"جساس غضب من اللى فعله كُليب وولع نار قال كيف يهنى أمام الضيفة فى الديار أنا ما أبقى جساس إنما قتلته بيدى نارى ما تبرد إذا ماخدت بإيدى التار"
المجموعة:-

جساس يبقى غلطان غلطان وميت غلطان ماهياش أصول وريادة يقتل نسيبه فى ناقة

زينب يونس:-
ماكانش حاسب ان أخوه موجود أبو صرخة تدوى ولا صوت الرعود

راح له الزير سالم قال له يا جساس أنا الزير سالم قناص الأسود

على روحك أنت يا جساس جنيت وفى الأسية أنت اللى ابتديت

وكُليب أخويا له مقام كبير

أنت اللى بادى وأنت اللى اعتديت

كُليب أخويا له سبع بنات

 فاتهم يتامى لأمهم ومات

 والجرو أخوهم ما زال فى الرضاعه

مين اللى ياخد بتار البنات

من غيرى مين هيأدب العاصيين

مين غيرى مين هيفهم الجاهلين

من غيرى مين يرعبكم يا جساس

إنوى اللى كان مادمتم ناس خاينين