فى الثامن من إبريل لعام 1970 كانت مجزرة مدرسة بحر البقر الإبتدائية،ربما
إنتهى الدرس وقد طوى التلاميذ كراريسهم لكن لم يطوى الوطن ذاكرته ولن يطويه
أبداً.
"أيها التلاميذ"
أحمد أنس الباشا، وطه عبدالجواد طه، وعادل مصطفى خميس، وسامى إبراهيم قاسم.
ومحمد أنور أحمد العنانى، وكحلاوى صابر فتحى حسين، وطارق نبيل أبو زيد حسن، وممدوح بدر على محمود، ووليد إبراهيم إبراهيم حسن، وأحمد على عبدالعاطى أحمد، ونجاة محمد حسن خليل، وصلاح محمد إمام قاسم، وأحمد عبدالعال السيد، ومحمد حسن محمد إمام، وزينب السيد إبراهيم عوض، ومحمد السيد إبراهيم عوض.
الدرس انتهى لموا الكراريس
بالدم اللى على ورقهم سال
في قصر الامم المتحدة
مسابقة لرسوم الاطفال
إيه رأيك في البقع الحمرا
يا ضمير العالم يا عزيزى؟!
دى لطفلة مصرية سمرا
كانت من أشطر تلاميذى
دمها راسم زهرة
راسم راية ثورة
راسم وجه مؤامرة
راسم خلق جبارة
راسم نار
راسم عار
ع الصهيونية والإستعمار
والدنيا اللى عليهم صابرة
وساكتة على فعل الأباليس
الدرس انتهى
لموا الكراريس
إيه رأى رجال الفكر الحر؟!
في الفكرة دى المنقوشة بالدم
من طفل فقير مولود في المر
لكن كان حلو ضحوك الفم
دم الطفل الفلاح
راسم شمس الصباح
راسم شجرة تفاح
في جناين الإصلاح
راسم تمساح
بألف جناح
في دنيا مليانة بالأشباح
لكنها قلبها مرتاح
وساكتة على فعل الأباليس
انتهى الدرس
لموا الكراريس
إيه رأيك ياشعب ياعربى؟!
إيه رأيك يا شعب الاحرار؟!
دم الاطفال جايلك يحبى
يقول إنتقموا من الأشرار
ويسيل ع الأوراق
يتهجى الأسماء
ويطالب الأباء
بالثأر للأبناء
ويرسم سيف
يهد الزيف
ويلمع لمعة شمس الصيف
في دنيا فيها النور بقى طيف
وساكتة على فعل الأباليس
الدرس انتهى
لموا الكراريس
صلاح جاهين؛
"أيها التلاميذ"
أحمد أنس الباشا، وطه عبدالجواد طه، وعادل مصطفى خميس، وسامى إبراهيم قاسم.
ومحمد أنور أحمد العنانى، وكحلاوى صابر فتحى حسين، وطارق نبيل أبو زيد حسن، وممدوح بدر على محمود، ووليد إبراهيم إبراهيم حسن، وأحمد على عبدالعاطى أحمد، ونجاة محمد حسن خليل، وصلاح محمد إمام قاسم، وأحمد عبدالعال السيد، ومحمد حسن محمد إمام، وزينب السيد إبراهيم عوض، ومحمد السيد إبراهيم عوض.
الدرس انتهى لموا الكراريس
بالدم اللى على ورقهم سال
في قصر الامم المتحدة
مسابقة لرسوم الاطفال
إيه رأيك في البقع الحمرا
يا ضمير العالم يا عزيزى؟!
دى لطفلة مصرية سمرا
كانت من أشطر تلاميذى
دمها راسم زهرة
راسم راية ثورة
راسم وجه مؤامرة
راسم خلق جبارة
راسم نار
راسم عار
ع الصهيونية والإستعمار
والدنيا اللى عليهم صابرة
وساكتة على فعل الأباليس
الدرس انتهى
لموا الكراريس
إيه رأى رجال الفكر الحر؟!
في الفكرة دى المنقوشة بالدم
من طفل فقير مولود في المر
لكن كان حلو ضحوك الفم
دم الطفل الفلاح
راسم شمس الصباح
راسم شجرة تفاح
في جناين الإصلاح
راسم تمساح
بألف جناح
في دنيا مليانة بالأشباح
لكنها قلبها مرتاح
وساكتة على فعل الأباليس
انتهى الدرس
لموا الكراريس
إيه رأيك ياشعب ياعربى؟!
إيه رأيك يا شعب الاحرار؟!
دم الاطفال جايلك يحبى
يقول إنتقموا من الأشرار
ويسيل ع الأوراق
يتهجى الأسماء
ويطالب الأباء
بالثأر للأبناء
ويرسم سيف
يهد الزيف
ويلمع لمعة شمس الصيف
في دنيا فيها النور بقى طيف
وساكتة على فعل الأباليس
الدرس انتهى
لموا الكراريس
صلاح جاهين؛
المشاركات
ليست هناك تعليقات:
إرسال تعليق