أنا لست لى

"ميم : المغامر والمعد المستعد لموته الموعود منفيًا مريض المشتهى ..."
درويش

حتمًا لها آوان ...

لا تبتئس لا تحزن لا تمتعض فثمة أنوار ما تضىء بين جنبات الطريق وحتمًا سيجيىء آوانها...

إلى أن تفنى تمامًا...

رحم الله الجميع شخص تبسم وأبسمنا وصوت تنهد فأطربنا وشاب غدرًا قتل ، وثائر ظُلمًا دُهِس . وأطفال فى سوريا تُذبح وشعوبًا ميتة خانعة وتظن أنها تحيا...

فلعل النفس قد ضاقت أسِرّتِهَا
فتهافتت الأفكار على الهِمم
وتكالبت ذكرى عُمرٍ قد أمضيته
مابين أحلامى والفِكَرِ

الكل يبحث بأنفس ما لديه ...

خرطوش تقول ما خدتش

على ذكر ان وزير الداخلية قال مافيش وهو عنده جوه!!!

" ارجع يا واد انت وهو بلا هلس أومال
اقفل عليك واقعد جوا دى الناس دى عيال
مادام حنمشى بالقوه مفيش استقلال
مين اللى بيبيع النبابيت للمتظاهرين؟
وانا اتنشيت أربع شلاليت شرطه جامدين "
بيرم

أيوه يا واد ياواعى

يحكى أن 

أن ايه 

كان فى معارضة

اسمها إيه؟

اسمها عارضة كفاية حرام ليبرالى تمام على حبة يسار ، بس الظاهر كان إخوان 

سجنوا مين سجنوا الإخوان اعتقلوا مين قالوا الإخوان ، 

مين فى كل بيان يتذاع بعبع خوف اضرب إلوى له دراع

قلنا يوماتى الإخوان 

طب والتانين؟

عارضوا

راحوا على فين؟!!!

اعتقلوا
ظهروا لمين؟!!!  للى يعرفهم والشعب فين ؟!!! جنب الحيطة 

واتقال له مين المعتقلين قالوا الإخوان...
ويحكى أن أن إيه فجأة يا إخوانا شعبنا شاف ثورة 

طب مين عملها الشباب 

مين لبس كفنها الشباب،

طيب يا أحباب قالوا انتخابات والشعب المصرى واعى

مين ده اللى قال؟!!! الأفاعى
والزيت والسكر غالى 

والشعب الواعى غالى 

شفط ضرايبهم غالى،

لقيوا فى وشوشهم السلفين والاخوانيين قاموا منتخبين
ماهو حسنى راح ، البعبع راح

عسكره مسكوه راحوا سجنوه قال إيه حاكموه
طيب مين عارضوه الإخوان تنتخبوا مين الإخوان وده علشان مين
أصل الشعب واعى...!

أيوه يا واد ياواعى

ماذا بعد؟!!!

ماذا بعد؟!!!
وماذا بعد أن نتذكر أن الثاني من فبراير كانت العبارة والأهالي في الميناء ينتظرون
ماذا بعد أن نتذكر أن الأول من فبراير كانت مذبحة الاستاد والأهالي على القضبان ينتحبون
وماذا بعد أن نتذكر أن العشرين من فبراير أشلاء أهل الصعيد على النوافذ يصرخون / يتفحمون!!!
ماذا بعد أن أدركنا في فبراير كل الموتى مصريون؟!!!
ألم ندرك حتى الآن أن القاتل على مقعد حكمه يسفك الدماء ولا جواب منا للنداء، نشيع الجثمان تلو الجثمان ونلقي جمل التعازى ونسكب الدموع ونعلق شارات الحداد
ولا إجابة فنحن لا زلنا الأموات...

وهناك فى الحياة صفحات وجب عليها أن تغلق حتى وإن منحناها قليلًا منا...