لطفية النادي

سنة 1930 قدمت #مجلة_الرغائب في غلافها وافتتاحية عددها الأول لوحة مرسومة للسنة الجديدة ،واللي رسمها كان الرسام الأسباني-المصري "سانتس" ،المهم الرجل الطيب ده رسم سنة 30 اللي هي السنة الجديدة على هيئة (فتاة ترتدي زي الطيارين) ،ووقتها ماكانش في بنت في مصر بتطير ،قوم بعد اللوحة دي بــ 3 سنين تيجي بنت مصرية ،أبوها كان غاية طموحه إن البنت أخرها ابتدائية ودمتم ،ومع ذلك البنت دي أصرت وكملت طريقها وبقت أول فتاة مصرية تقود طيارة ،وتاني فتاة على مستوى العالم تقود طائرة بدون مرافق سنة 1933 .
النهارده عيد ميلاد أنثى مصرية نحتت في الصخر بغض النظر عن أنها رحلت وحيدة،لكنها فتحت باب لبنات كتير طارت ومع الأسف طارت وياهم فلانة كابتن طيار وفضلت مسيطرة على مجتمعنا إن الأنثى مضيفة وبس حلوة وتلاغي الزباين. إإإإيه المهم النهارده عيد ميلاد كابتن طيار لطفية النادي 

 كل لحظة وأنتِ بخير في مكانك يا #لطفية_النادي 29 أكتوبر 1907 .