3 سنين يا زوما

يا سي حمزة
يا أبو ضحكة بغمزة
الليلة دي عيدك
بالفرح ربي يزيدك

فرحتنا هلت بميلادك
ويا رب تِكتر أعيادك
يلا نصقف تلات صقفات
دي التورتة بتلات شمعات
حمزة تم تلات سنوات
هنصقف ونغني له

حمزة يا حموزي
يا أبو العيون فاروزي (فيروزي)
عيد ميلاد سعيد يا حمزة عيد ميلاد سعيد
عيد ميلاد سعيد يا حمزة حب وعمر مديد
حمزة حمزة قوم فرفش هات طبقك كسر فشفش
حتى لو جم يوم زعلوا مايهمش يلا ندشدش

حبا حبا حبا خطي وعدي
حبا حبا حبا اوعى تهدي
دي الأحلام دايما وردي
وفي يوم لازم أن تتحقق
عيد ميلاد سعيد يا حمزة عيد ميلاد سعيد
عيد ميلاد سعيد يا حمزة حب وعمر مديد

حمزة حمزة يا صغير هات ورقك يلا نطير
طيارة توصل بكره اللي بحلمك يتغير

ازرع أحلامك شجرة
تطرح لك فرحة لبكره
وتفرع مليون فكرة
تكبر تعرف تتعلم

عيد ميلاد سعيد يا حمزة عيد ميلاد سعيد
عيد ميلاد سعيد يا حمزة حب وعمر مديد
🎂   يلا هوف :))))
كُتبت احتفالا بعيد ميلاد حمزة بن محمود ودعاء 💗💗
5 يوليو 2018
 

أول سنة يا يزيد

يزيد وعيده جاي في العيد
وظابط نفسه في المواعيد
ميعاد للنوم وميعاد كلضوم ووقت يلعب ويبقى سعيد
نقيد الشمع لعيونه
وندعي ربنا يصونه
ونغني له في المواعيد
عيد ميلاد سعيد يا يزيد
عيد ميلاد سعيد يا يزيد
سنة حلوة يا جميل
سنة حلوة يا زي سنة حلوة يا زي

كل لحظة وأنت حلو وجميل يا حبيبي ❤❤❤❤❤ يلا هوف 🎂😄

سنة وسنة

أدي سِنة وسِنة وسِنة
وياسين طلعت له سِنة
بدل السِنة يجي عشرين
دشدشهم سِنة سِنة
في سِنة شاطت كرة
على سناية زغيورة
قرقشت السكر يا ياسين
لما كسرت كذا سِنة
وأدي سِنة حتتك بتتك
هربت من قلة أكلك
رجعت أطباقك يا ياسين
لما بقيت شبه الننة
وأدي سِنة وسِنة وسِنة
وياسين دغدغ السِنة
وفي مرة عطس العطسة
وسنانه رقصت رقصة
فرحوا وقالوا خمس سنين نتبدل سِنة سِنة
وأدي سِنة وسِنة وسِنة
وياسين زأطط واتهنى
يا ميلاده ياه يا ميلاده
هنغني له مع إخواته
زود واحد ع العشرين
يطلع لك يوم ميلاده
يا ميلاده ياه يا ميلاده
الليلة عيد ميلاده
عقبال الـ 100 شنة يا ياشين
تفرح تشعد تتهنى
وأدي شِنة وشِنة وشِنة
وبقى لك شنة ورنة
...
كُتبت في 21 سبتمبر 2017 احتفالًا بعيد ميلاد ياسين ابن باسل وياسمين 💗
سجلتها صوتيًا ولم تنشر بعد...

الواد سليم

الواد سليم يا ولا
الواد سليم يا ولا
الواد سليم الليلة دي
واقفين وياه وبندادي
ما هو عيد ميلاده الليلة
وهنعمل إيه
إيه
قدمنا التورتة والجيلاتي
وشارينا هدية السنة دي
فلسنا البيه 😂
ما هو عيد ميلاده الليلة دي سعادة البيه 💃💃💃
خمسة حلامنتيشي لحد ما إلهام تيجي دماغي 😂 أصلي بعتها تجيب أومو
كُتبت في 25 أغسطس 2017 احتفالا بعيد ميلاد سليم بن باسل وياسمين

حمزة تم سنة

الأستاذ حمزة تم سنة العمر كله خطاوي فرح وهنا
كتكوت صغير طلع م البيضة شقشق ع الدنيا بالغُنا

أول حفيد

حفيد الحفيد يا سعاد... انبسطي في مكانك