بلد اللامؤاخذه

الدعوة السلفية وحزب النور يدعم موقف الجيش لأنه الجيش الوحيد المتماسك في المنطقة ، الله وجيش سوريا يا شيخ اللي بتصدر له الشباب على هناك من أجل الجهاد ، إنهم أنجاس رافضه إزاي يا حاج ده نصه سنة ويمكن أكتر ولو ... هؤلاء قتلة فجره ، أما الجيش هنا الكرام البرره . ويل لمن ساس وتنجس وظن نفسه كلمة الله وويل لمن سار خلفه كالقطيع إخوان كان أو سلفي ...
صدق نجيب سرور

حلوا المراكـــب

حَلوا المراكب مع المغرب وفاتونى
عالشط واقف بلا مركب وفاتونى
ساعتها قلبى شهق .. يشهد عليه الشفق
بيني وبينك بحور الغربة يا دارى
يا نارى يا نارى ماتطفى البحور نارى
الطير ده مين هَشُه؟!!!
على الريح بنى عِشُه
يا عود ريحان أخضر والغربة بتحِشُه
يا عين يا عين صعبان على يا قلب الورد يا صغير
و الله ده كان بدرى تتلوع و تتحير
لفيت أنا لفيت فى الغربة ما خليت
بلد تشيلنى وبلد ترمينى تانى لبلد
عواف عليكــِ يا نخلة مضللة على الباب
راخية الضفاير وحاضنة الأهل والأحباب
مِسا التماسى يا ناسى
ماتصدقوش إنى ناسى

 

يا سهرانين فى القمر .. ليل الغريب ضلمة
يا عينى يا ليلى ...لا قنديل ولا نجمة
مناديل دى ولا قلوع ؟ وده بحر ولا دموع؟
خدونى يا راجعين .. فايتنى ليه ولمين
حَلوا المراكب مع المغرب وفاتونى
عالشط واقف بلا مركب وفاتونى

شعر:نجيب سرور