وعد و لقا

مسروقه الأيام يا نيفين 

لو فرت زى الرهوان

 فى غيطان العمر المنسيه 

طب مش كانوا عشرين يوم 

يمكن ويزيد 

والمواعيد بينا موفيه 

ساعتين خطف فى وسط الزحمه

ضمة صدر وكف يسلم

وكل ما سرسب عقرب ثانيه قلبى إتألم

الشوق قتال

والحنين فايت بلاد

واللى يصبر قلب الواحد

نسمة هوا جاية معديه

هى هى نفس النسمه الحاضنه لضلعك

ساريه فى صدرك بستنشقها م الفجرية

فاكرة فى أول يوم قولتى لى

أنا ما سافرتش

نفس الكلمة همست نفسى

وسط الصحبة اللى ما تفركش

عمر السفر ما بيفرق
اللى يفرق سهوة نسيان
أو ببرود تتلاقى فى يوم الأحضان

وسطيهم بس بنتجمع 

على كل لون من بنى البشر يتلم
رغم التعب وتلال الهم

يمكن وسطيهم بس اتلغى وقت الرحيل

...

لقاء

تكن ممتلئ حد الشوق واللهفة ، فى إنتظار لحظة تفرغ هذى الشحنة المختزنة قرابة الإثنا عشر شهرًا ، فقط ما بين عتبة الباب ومدخل المنزل إحتضان تجد هذا الإمتلاء تشبع لا نظير له وعلامات تعجب جعلت الفيه ككهف مجوف . ربما جملتها "لما نزلت المطار ماحسيتش إنى سافرت" كانت مفتاح سر لإغلاق الفكين من بعد الإنفراجه . بالفعل لم تغب قط...

3/3/2013