نقيب الصعاليك عاشق المداحين

في 4 يونيو الجاي زكريا الحجاوي هيكون تم 100 سنة بالتمام والكمال، 100 سنة وسيرتك مخلدة يا عمنا. 

على هامش الفن الشعبي والدولة

خضرة لما غنت للسد العالي ولجمال عبد الناصر على "ميتى أشوفك يا قلبي اطمنت" ماكسرتش وزن الأهزوجة!!! لما قالت اللحن بالكلمات كامل 

حبيبي يا ولدي بحب بلدي وأهل بلدي

 يا أنا يا بلدي بلدي يا ولدي

 وطنك افديه واحميه وابنيه واقرأ له ماضيه

 تسلم له ولي يا أنا يا بلدي

 بلدي يا ولدي 

أميتى (متى) أشوفك يا قلبي اطمنت 

اه وحبيبي في اسنا اسنا وأنا بلدي أرمنت 

ده جالوا نخطب لك نخطب لك من آل المريس (قرية بالأقصر)

ولا جوم(قوم)بحر بحر على جرجا وبرديس 

جولت لهم كيف يا ناس وأنا رجل حسيس

 وأهلي وأعمامي وجرباتي (أقاربي) في أرمنت 

اه اه اه اه لالالالالالالالا اااااااااه لالالالالالالالالالالالالالا

 ااااااااااااااااااه لاالالالالالالالالالالالالا ولاه لالالالالالالالالالالالالالالا 

ميتى أشوفك يا جلبي مبسوط 

وحبيبي في دردا(جرجا) دردا وأنا بلدي أسيوط

 ااااااااااه 

ده جالوا ده ود مين ود مين 

أنا جولت ع تسأل ليه 

وأنا ابن أصل وأصلي ما يعلاش عليه 

وأنا شرفي غيرت عليه بلدي بلدي وعليه

 وأنا حلو في عينه عينه وأنا لابس زعبوط

اه اه اه اه

 ألالالا لالالا الالالالالا ااااااه لالالالالالالا ااااااه

وميتى أشوفك أشوفك يا جلبي فرحان

 ده حبيبي في الأقصر الأقصر وأنا بلدي أسوان....

فتدخل مع الأهزوجة بكل سلاسة وحسن ترتيب من نقلة الأقصر ثم أسوان وصولًا إلى "السد العالي" فتقول

جالوا لي ده السد العالي اللي بنوه العمال
 أنا جولت تعيش تعيش رجالنا الأبطال 
والفضل كله كله لرئيسنا جمال 
وبطل العروبة وزعيم العربان 

وفجأة تنقل من لحن للحن بكل سهولة وقامت لاضماه على لحن "وادحرج واجري يا رمان"

 وقالت "اه يا بطل الثورة يا جمال بالوحدة الكبرى يا جمال 
يا أبو عبد الناصر يا جمال...

لا نشزت ولا قطعت نفس ولا حتى قالت كلام تقيل ع الودن -حتى وإن كنا نختلف أو نتفق مع جمال- وده دايمًا كان حرفنة المداحين زمان!

فن السبعات

المسبع أو فن السبعات عبارة عن فن تراثي مصري وجد في الصعيد ويعتبر درب من الواو عبارة عن 7أبيات ينشدهم الراوي يتفق أول ثلاثة أبيات في القافية وشكل الكلمة مع اختلاف معناها أما الثلاثة أبيات الأخرى تنتهي بقافية واحدة مختلفة عن البيت الأول، أما البيت الأخير فينتهي بما بدأه السبع من قافية وكلمة.

ومن أشهر هذه السبعات أبيات أنشدها الفنان الشعبي الجندي حين أتى جمال عبد الناصر لوضع حجر أساس السد العالي بأسوان 

فقال :-

جمال بطل مصر لما جَبِل (أقبل-جاء) وراح أِسوان
  عِملوا ليه (له) حفلة وفرشوا الحرير في صِوان
 رمى الأساس بإيديه (بيده) بناه من حجر صِوان
  هو بطل جد خلى العبد أصبح سِيد
 لما يسافر هو بين الدول بيسِيد (بيسد)
  إذا فات على الخصم جال (قال) يا لعين إنسِدْ
 حنعمل السد والمشروع هنا في أسِوان

 #مسبع #الجندي #تراث #أسوان

اللَفيِفْ

إنه في يوم السبت الموافق 21 يناير لعام 2013 في تمام الثامنة مساءً…بوكالة الغوري عرض التنورة

على ورق الفل دلعني

على ورق الفل دلعني أغنية من تراث الفن الشعبي المصري، قامت بغناء هذه الأغنية جمالات شيحه ،
خضرة محمد خضر ، فاطمه سرحان

 وهنا تغني (دينا الوديدي) بأسلوب مختلف ، رغم اعتمادها على نوع آخر من الفن الشعبي ألا وهو (فن الندابات) ومع ذلك لم تغيب نمط الأغنية الأساسية بل جعلت لها بُعدًا آخر ، مزج بين الحداثة في الموسيقى والقِدم والتراث في الأغنية ذاتها واعتمادها على نبرة فن الندابات...

على ورق الفل دلعني
أنا ما أحملشي الذل ده يعني 
أنا لا حيلتي ولا معايا
غير الغوايش اللي معايا
أنا لا حيلتي ولا بيدي 
غير الخاتم اللي فى يدي 
ما قلت لك يلا نبيعه
وأسهر وياك ودلعني...

زكريا الحجاوي

أمير الصعاليك عمنا زكريا الحجاوي عاشق المداحين

من فن بلادنا وفن جدودنا نغمه بيسعدنا معناها بيزيدنا
ياما هنجول (هنقول) ياما هنجول وعلى الدفوف وعلى الأرجول

و تعا (تعالى) يا غاوي شوف الحجاوي بنقدم فنه ود (ولد-ابن) المصراوي

تستاهلي يا اللي رجالك دولا

تستاهلي يا اللي رجالك دولا تستاهلي يا اللي رجالك دولا

تستاهلي طباخ في بيت أبوكي يطبخ ويغرف يدي دولا ودولا

تستاهلي صايغ في بيت في أبوكي يدق لك كردان وغويشة منقوشه

تستاهلي كل الحبايب تيجي يباركوا لك ويعملوا هليله

ما قلت لك بنت الأكابرغاليه ما قلت لك بوابة أبوها عاليه

يا حلو وإيش دلك على نسبنا خدت الأصيلة بنت شيخ بلدنا

يا حلو وإيش دلك على دي الحارة خدت الأصيلة وأمها نواره

تستاهلي يا اللي رجالك دولا
 
 للإستماع

مـوال

زرعت فدان جمايل وأربعة معروف
ورويتها ياما شهامة بالذوق وبالمعروف
واللي حماها
أنا... بجدعنة ومعروف
وقلت هل بت تزرع م الجميل قيراطين
أتاريها أرض طين وبتنكر المعروف
"نقيب الصعاليك" عم زكريا...

العنب - محمد حمام

العنب طاب العنب طاب العنب لأقول لخولي العنب طاب العنب
يا سمرة صوتك جوايا سامعه في روحي وفي غنايا
أنا القمر وأنتِ سمايا
وأنا العليل وأنتِ دوايا
يا لقمتي وتوبي وقصري وضحكتي قولي معايا
العنب طاب العنب لأقول لخولي العنب طاب العنب
لأروح على الخولي وأقول له كرم العنب طايب كله
خد مالي خد عمرى كله
وقرب الخل لخله
أنا ليا سنتين ده أنا ليا سنتين بستانك ما أقدرشي ما أقعدش في ضله
والعنب طاب العنب