أهل النغم - من مقتنيات أروقة دار الكتب المصرية

 تم التقاط الصور في تمام الساعة 3:47 م يوم 24 / 4 / 2012. من داخل أروقة دار الكتب المصرية، بالتحديد في الدور الرابع. 

كاميرا Samasung PL 120 

التصوير ليس في أفضل حالاته بس أهو شغال 😂 

اللقطات تتضمن صور لعديد من أهل النغم والمغنى في مصر؛ السيدة ألمظ، وعبد الحامولي، وكامل الخلعي، والسيدة منيرة المهدية، والسيدة فتحية أحمد، والآنسة نجاة علي، وآخرون...

من أرشيفي الرقمي (السادات، عبد الناصر، المصور)

المصور أكتوبر 1971

28 سبتمبر 1970 

28 سبتمبر 1971 

بناء مصر الحديثة على أرض عبد الناصر 

من أرشيفي الرقمي (مسطرد، جمال، السودان)

 

27/9/2020

هوبا جريدة الجمهورية 27-7-1956

 

 

 

 

حسين بيكار (قصاصات جرائد)

 بعض من أعمال حسين بيكار؛ والتي كانت تنشر في الجرائد، واحتفظت بها عدة أعوام على جهاز الحاسوب القديم. بالإضافة إلى بورتريه لحسين بيكار من رسم الفنان سيد عبد الفتاح.

 فإن كانت سعة التخزين ضاقت فلنفرج عنها في هذا الفضاء الواسع... 

 

 

يوم الأرشيف العالمي

امبارح 9 يونيو، كان اليوم العالمي للأرشيف، والأرشفة عمومًا، مع الأسف طبعًا دي بقت حاجة بيبوسوها ويحطوها على جنب عندنا في مصر، خاصة من الأفراد مش هقول حكومات يعني -هما بعاكيك خلقة- كنت بدردش مع الموظفين في دار الكتب عن الأرشفة والكارثة اللطيفة الموجودة في أجهزة المايكروفيلم والمايكروفيش -كالعادة ب_ب - ودي من النوادر بالنسبة لي لأن كلامي عادة بيكون قليل وكفاية ابتسامات متبادلة وشكرًا لذوقك ودمتم، الحقيقة في ناس هناك في المنظومة دي، الواحد تعامل وياهم يستحقوا كل التقدير سواء في دار الكتب من إطلاع ودوريات وتصوير، وحتى أمن، وموظفي المعرض الدائم اللي تحت، مرورًا بالكشك الزجاجي، أما دار الوثائق فبين بين بس يكفي ذوق الأمن. المسألة مش بسيطة يعني بالنسبة لي في الكيان المسمى الهيئة أو الدار بمشتقاتها عمومًا دي عِشرة دخلت في 10 سنين ويمكن أكتر، كعب داير طالع نازل سلالم الهيئة في المجمل، في قرف اه في قرف وهم وغم وخلل ما يتلم، لكن يكفي إن المكان ده يعتبر أرشيف الكتابة عمومًا مش مصر وبس، يعني أرشيف إنساني ضخم. وسط كل ده في ست الواحد لو يطول يكرمها كل ساعة وهو موجود في الدار مش هيتأخر اسمها "إستر" الست دي عظيمة عظيمة هي بالنسبة لي نحلة الأرشيف إن لم تكن الأرشيف ذاته داخل الهيئة كلها، واللي تعاملت مع مختلف البشر من أول الطلبة الورور بتوع الجامعة لحد ناس أصبحوا وزراء وناس منهم رؤساء وزراء كمان -على مستوى العالم سوى خليج أو أجانب بالمناسبة مش مصر بس- ، بس بالنسبة لها الكل باحث ما بتتأخرش أنها تجيب له استعارته، أعتقد أن يوم الأرشيف العالمي هو احتفاء بوجود الست "إستر" وطبعًا لا نغفل مجهود الست "نبوية" لكن إستر ربنا يديم عليها الصحة والذاكرة النحلة اللي ما بتتأخرش....