السبت، 12 أكتوبر 2013

أهازيج الحج في مصر

قال لك ده كان يلاغي القمر محمد ويفهم لغاته
قال لك ايه بأه ... يا فاطمة يا فاطمة يا بنت نبينا افتحي البوابة يا فاطمه أبوكي داعينا  
 واحنا اللي فوزنا يا عمي وأخدنا التأشيرة لأجل العربي المكمل جد المشيرة. حديث
قال لك ايه بأه... اه يا نخله مكه يا طويل يا عالي يا اللي تمر منك دوا المبالي
قال لك ايه بأه... رايحة فين يا حاجة وشاقة البحوري ،رايحة أزور النبي محمد وأزمزم شعوري  
قال لك ايه بأه... يا نبي يا نبي يا مالك أحبة ،حملوا عيالهم يا نبي وجم لك محبة
قال لك ايه بأه... وياريس البواخر ما توقف شوية خلي أبويا الغالي يسلم عليَّ
 ولما نويت يا حاج وربطنا الزكيبة ولما بلغنا عنوانه زغردت الحبيبة
 وفي ليلة التبريكه يا عمي بات الخُرج بره يا ملايكه عيني ما تبكي على الفرقة والله
 حلو بابور النبي يا أحمر يا عدسي من يوم هويت النبي صحاني من نعاسي
 حلو بابور النبي يا أبو أربع مراوح فرح الحجاج ويقولوا على جده رايح
 ولما زرته يا حاج حجيج هات لنا الوصيفة وتحت راس النبي مخده قطيفه
 ولما نويت يا عمي خد الزمزمية لحسن تلاقي العرب فوق العز 100
 حلو حمام الحما يا أبو الريش متزوق رشوا له السمسم يا حاجي على باب محمد
 وحلو باب النبي خشبه مفصل يا نهار المنى يا حاجج وأنا ميتى أوصل
 ويا بشير الهنا يا مروح بلدنا زرنا الحبيب النبي وروح بشر ولادنا
 دقوا الطبول للنبي بودني سمعته أنا هان عليَّ بيتي ومالي نفضته
 في طريق النبي جنينه رشوها بنوها الحبايب لفاطمة وأبوها
لما نويت ع النبي يمينك يمينك وعند باب النبي يا بوي وقف هجينك   
 
Posted by at
Labels: , , , , , ,

ليست هناك تعليقات:

إرسال تعليق

الاشتراك في: تعليقات الرسالة (Atom)
 
قُطُوُف - Blogger Templates, - by Templates para novo blogger Displayed on lasik Singapore eye clinic.