كان في مرة سجن اسمه تازمامارت وكان في اختفاءات قسرية في المغرب يا مصراوية واتعملت هيئة مغربية اسمها هيئة الإنصاف والمصالحة علشان ترد للناس دي حقها وتسوي الخلافات كنوع من التعويض وعهد جديد وكده، بس ده بعد الاختفاءات القسرية والتعذيب وقت سنوات الرصاص اللي بدأت في أوائل السبعينيات في عهد الحسن الثاني أيوه هو الرجل البشوش الطيب ده ^________^ منتصف عهده بدأ سنوات الرصاص - طبعًا كان في اختفاءات في أول حكم في التسينات، بس الريحة كتمت الأنفاس في السبعينيات - واللي كان سببها انقلابات ومعارضات على رأسهم انقلاب عسكري اسمه "بوراق إف5" وسجن القوات اللي شاركت بقياداتهم الكبار، وقبل القيادات العسكرية كان وجوه معارضة وهكذا وهذا وكمل على مدنيين كتير بعدها بدون أي وجه حق وكان التعذيب والاختفاء القسري والانتهاكات، سمة العصر وهما الوسيلة عنده واتعمل السجن السري، اللي ما اتعرفلوش طريق جُرة وقتها.
المهم هيئة المصالحة دي اتعملت في 2004 يعني بعد 30 سنة من الاختفاءات، بس ما نغفلش إن السجن اتهد في التسعينات مع بداية عهد ابنه محمد السادس (الملك الحالي) وأقال قيادات من اللي اتسببت في الاختفاء القسري والتعذيب والناس بدأت تظهر - اللي فضل عايش منهم - يعني بعد 20 سنة اتهد السجن السري. 30 سنة / 20 سنة راحت ناس وجت ناس والزمن دوار... يلا ما علينا
المشاركات
ليست هناك تعليقات:
إرسال تعليق