يا أخي العقل الباطن ده عليه شوية لعب إنما إيه عنب خالص، وهنا أثبت عقلي الباطن كيف يصنع فيلم بدون معلم من أحداث مالهاش علاقة ببعض في 6دقائق أثناء النوم أيوم هما 6 دقايق تغفيلة قام فرغهم الدازمة بكل تلقائية من خلال الــ feeds اللي كانت هنا ع الفيس بؤ...
الصبح صور القلعة لا مؤاخذة بعد ما استحمت من المطر،بعدها صورة المغفور لها مديحةكامل اللي نص الناس شيروها هنا،شويتين صورة المبجل الرفيق الكلب الشهير في المظاهرات مع كم خبر عن تفجيرات ومظاهرات 28،اضرب كل ده في نافوخي هوووب يطلع الحلم الآتي...
في الجامعة ورايحة لزميل منتظرني أديه فلاشة عليها وثائق وكتب علشان رسالة الماجستير بتاعته قوم ألاقي زحمة على الأسانسير في مكان لا يمت بصلة للجامعة بس أهو الجامعة فخرجت بره م الزحمة لقيت تجمعات طلبة وبلمح بعيني للسما ألاقي القلعة لا مؤاخذة طايرة أيوه ماكيت للقلعة طاير وفي أرضيته شاشة كمبيوتر وبكل ذهول بقول للشباب إيه ده إيه ده بصوا فوق وقمت سحبت كل اللي كانوا واقفين جنبي لورا وجريت بهم على أساس إني شكيت أنها قنبلة!!! نبيهة من يومي...
المهم طلعت قنبلة وانفجرت وراح اللي راح يا عين،وفجأة لقيت نفسي في مبنى غير المبنى وبسأل بنت فين طريق كلية الآداب تقوم قايلة بكل حسرة هي دي يا بنتي لأ مش هي تقول لي بضحكة استهزائية هي... فوضت أمري لله وقمت خارجة وفضلت أدور في متاهات داخل الأبنية اعتقادًا أنها الكليات جوه الجامعة وهألاقي مخرج أروح به مدرجي أجيب شنطتي وكتبي، وفجأة لقيتني جوه بلد عشوائية وحواليا بيوت بسيطة ومدخنة طوب وقش رز، بس مافيش حد فدخلت بيت لقيت ست عجوزة وابنها فحل جنبها فقلت له ممكن أعرف احنا فين ولو أمكن توديني لطريق أقدر أروح منه قام ضحك بكل خبث لأ مش نافع وخليكي الصباح رباح، فضلت ألف جوه متاهة داخل بيتهم المعفن وهوب ألاقي في أوضة متطرفة ومعفنة برضه الست مديحة كامل لابسة جلابية بيت معفنة وقاعدة مغلوبة على أرمها تنيم في العيال فقلت لها خرجيني منها قامت ترد بكل حسرة يا ريتني كنت أعرف كنت خرجت نفسي ده أنا مخطوفة هنا والرجل ده من الغربية متجوزني بالغصب، صعبت علي وفوضت أمري لله وفضلت أعسعس لحد ما قدرت أخرج ومشيت كتير جوه القرية دي وهوب ألاقي مكتوب عليها عزبة عثمان!!! إيه اللي جاب القلعة جنب البحر إيه جاب عزبة عثمان في ضهر جامعة القاهرة؟!!! غايته عترت في عربية ركبتها ولقيت حيوان لاما أبيض بيجري ورايا لحد ما نزلت من العربية... فوقت على رنة التليفون الحقيقة -_- كان هيبقى فيلم فظيع.
عزيزي فرويد اركن على جنب ...
الصبح صور القلعة لا مؤاخذة بعد ما استحمت من المطر،بعدها صورة المغفور لها مديحةكامل اللي نص الناس شيروها هنا،شويتين صورة المبجل الرفيق الكلب الشهير في المظاهرات مع كم خبر عن تفجيرات ومظاهرات 28،اضرب كل ده في نافوخي هوووب يطلع الحلم الآتي...
في الجامعة ورايحة لزميل منتظرني أديه فلاشة عليها وثائق وكتب علشان رسالة الماجستير بتاعته قوم ألاقي زحمة على الأسانسير في مكان لا يمت بصلة للجامعة بس أهو الجامعة فخرجت بره م الزحمة لقيت تجمعات طلبة وبلمح بعيني للسما ألاقي القلعة لا مؤاخذة طايرة أيوه ماكيت للقلعة طاير وفي أرضيته شاشة كمبيوتر وبكل ذهول بقول للشباب إيه ده إيه ده بصوا فوق وقمت سحبت كل اللي كانوا واقفين جنبي لورا وجريت بهم على أساس إني شكيت أنها قنبلة!!! نبيهة من يومي...
المهم طلعت قنبلة وانفجرت وراح اللي راح يا عين،وفجأة لقيت نفسي في مبنى غير المبنى وبسأل بنت فين طريق كلية الآداب تقوم قايلة بكل حسرة هي دي يا بنتي لأ مش هي تقول لي بضحكة استهزائية هي... فوضت أمري لله وقمت خارجة وفضلت أدور في متاهات داخل الأبنية اعتقادًا أنها الكليات جوه الجامعة وهألاقي مخرج أروح به مدرجي أجيب شنطتي وكتبي، وفجأة لقيتني جوه بلد عشوائية وحواليا بيوت بسيطة ومدخنة طوب وقش رز، بس مافيش حد فدخلت بيت لقيت ست عجوزة وابنها فحل جنبها فقلت له ممكن أعرف احنا فين ولو أمكن توديني لطريق أقدر أروح منه قام ضحك بكل خبث لأ مش نافع وخليكي الصباح رباح، فضلت ألف جوه متاهة داخل بيتهم المعفن وهوب ألاقي في أوضة متطرفة ومعفنة برضه الست مديحة كامل لابسة جلابية بيت معفنة وقاعدة مغلوبة على أرمها تنيم في العيال فقلت لها خرجيني منها قامت ترد بكل حسرة يا ريتني كنت أعرف كنت خرجت نفسي ده أنا مخطوفة هنا والرجل ده من الغربية متجوزني بالغصب، صعبت علي وفوضت أمري لله وفضلت أعسعس لحد ما قدرت أخرج ومشيت كتير جوه القرية دي وهوب ألاقي مكتوب عليها عزبة عثمان!!! إيه اللي جاب القلعة جنب البحر إيه جاب عزبة عثمان في ضهر جامعة القاهرة؟!!! غايته عترت في عربية ركبتها ولقيت حيوان لاما أبيض بيجري ورايا لحد ما نزلت من العربية... فوقت على رنة التليفون الحقيقة -_- كان هيبقى فيلم فظيع.
عزيزي فرويد اركن على جنب ...
المشاركات
ليست هناك تعليقات:
إرسال تعليق