زي النهارده يوم 2 يوليو سنة 1918 اتولد في مصر صوت شجي وحر ، وصاحب عود متين رنان ، يدق الوتر وصوته يرن من
مصر حتى بلاد الشرق والغرب.
هو الشيخ إمام محمد أحمد عيسي ، إمام اسم على مُسمى ،صوته فضل إمام للحرية والثورات حتى بعد ما رحل وفات أرض البشر.
الشيخ إمام رجل لازمته الصدفة في حياته ، الصدفة في الإنشاد داخل حرم الحسين ، والصدفة في دخول الإذاعة والصدفة في مقابلة أستاذه درويش_الحريري ...
الشيخ إمام ما اتولدش كفيف ، اتولد كما أي طفل طبيعي ، لكن بسبب إصابته بالرمد ومع جهل أسرته وسوء أحوال الطب ،فقد بصره... وكعادة باقي أهل مصر لما يكون عندهم طفل كفيف دخل إمام الكُتاب وحفظ القرآن وسار في ركب كبار المشايخ زي محمد رفعت، كبر إمام وإحلو صوته وبقى منشد شوية ومداح شوية . لحد ما قابله الشيخ درويش الحريري واللي علمه وأصقل موهبته وسلمه للشيخ زكريا أحمد وكتير منكم ما يعرفش إن ألحان زكريا لأم كلثوم اللي كان بيحفظها لزكريا هو الشيخ إمام ، وفضل فترة طويلة مُلازم له ،لحد ما دب خلاف بينهم وساب إمام زكريا ...
بعده دخل الشيخ إمام مرحلة جديدة وهي تعلم العزف على العود بإتقان ...
قابل الشيخ إمام الأستاذ كامل الحمصاني واتعلم على إيده العود وبقى برنجي ...
تفوت الأيام وتيجي ويتقابل إمام ونجم ، عن طريق جار الشيخ إمام اتعرف أحمد فؤاد نجم الفاجومي بالشيخ إمام صاحب الصوت والعود ، وده كان في بداية الستينات ، ولازموا بعض سنين وسنين ، وذاع صيتهم سوا بعد الأغنية الأسطورة "أنا أتوب عن حبك أنا" وتيجي الأحداث وتروح ويعلى صوت الشيخ إمام مع أشعار الفاجومي وسط المظاهرات وطلاب الجامعة واشتداد الحروب في مصر خاصة وقت النكسة.
غنى الشيخ إمام للكتير من شعراء مصر والعالم العربي ، زي فؤاد قاعود ،حلمي سالم زين العابدين فؤاد ،نجيب سرور والشاعر الفلسطيني توفيق زياد ، وعلى ذكر فلسطين هنلاقي إن الشيخ إمام كان هو الصوت الحي اللي غنى كل أنصار القضية بصوته .
قبل النكسة غني إمام وانتقلت أغانيه للإذاعة المصرية ، لكن لما كلام إمام استنكر الهزيمة وتبرئة اللي اتسببوا فيها ، بقى السجن معلم على جسم إمام والفاجومي راقات ، ويتنقلوا من السجن ده للمعتقل ده ... ومع ذلك الصوت ما سكتش ، وإمام فضل يغني وجسمه بينزف قُبل برغم اللي خان ورغم اللي كان...
انتقل الشيخ إمام بين أكتر من دولة خاصة ما بين فرنسا وتونس والجزائر وأحبابه في تونس كانوا كتير ، وعمل حفلات في فرنسا تحت رعاية وزارة الثقافة الفرنسية ،وبترحيب كبير كان بيغني هناك.
صوت إمام فضل إمام وسط الزنازين يرج الصدى قلوب الأحبة والمتيمين في حُب البلد وحُب الحبيب... كل لحظة وأنت صوتك شفيعنا يا عمنا ^_^
هو الشيخ إمام محمد أحمد عيسي ، إمام اسم على مُسمى ،صوته فضل إمام للحرية والثورات حتى بعد ما رحل وفات أرض البشر.
الشيخ إمام رجل لازمته الصدفة في حياته ، الصدفة في الإنشاد داخل حرم الحسين ، والصدفة في دخول الإذاعة والصدفة في مقابلة أستاذه درويش_الحريري ...
الشيخ إمام ما اتولدش كفيف ، اتولد كما أي طفل طبيعي ، لكن بسبب إصابته بالرمد ومع جهل أسرته وسوء أحوال الطب ،فقد بصره... وكعادة باقي أهل مصر لما يكون عندهم طفل كفيف دخل إمام الكُتاب وحفظ القرآن وسار في ركب كبار المشايخ زي محمد رفعت، كبر إمام وإحلو صوته وبقى منشد شوية ومداح شوية . لحد ما قابله الشيخ درويش الحريري واللي علمه وأصقل موهبته وسلمه للشيخ زكريا أحمد وكتير منكم ما يعرفش إن ألحان زكريا لأم كلثوم اللي كان بيحفظها لزكريا هو الشيخ إمام ، وفضل فترة طويلة مُلازم له ،لحد ما دب خلاف بينهم وساب إمام زكريا ...
بعده دخل الشيخ إمام مرحلة جديدة وهي تعلم العزف على العود بإتقان ...
قابل الشيخ إمام الأستاذ كامل الحمصاني واتعلم على إيده العود وبقى برنجي ...
تفوت الأيام وتيجي ويتقابل إمام ونجم ، عن طريق جار الشيخ إمام اتعرف أحمد فؤاد نجم الفاجومي بالشيخ إمام صاحب الصوت والعود ، وده كان في بداية الستينات ، ولازموا بعض سنين وسنين ، وذاع صيتهم سوا بعد الأغنية الأسطورة "أنا أتوب عن حبك أنا" وتيجي الأحداث وتروح ويعلى صوت الشيخ إمام مع أشعار الفاجومي وسط المظاهرات وطلاب الجامعة واشتداد الحروب في مصر خاصة وقت النكسة.
غنى الشيخ إمام للكتير من شعراء مصر والعالم العربي ، زي فؤاد قاعود ،حلمي سالم زين العابدين فؤاد ،نجيب سرور والشاعر الفلسطيني توفيق زياد ، وعلى ذكر فلسطين هنلاقي إن الشيخ إمام كان هو الصوت الحي اللي غنى كل أنصار القضية بصوته .
قبل النكسة غني إمام وانتقلت أغانيه للإذاعة المصرية ، لكن لما كلام إمام استنكر الهزيمة وتبرئة اللي اتسببوا فيها ، بقى السجن معلم على جسم إمام والفاجومي راقات ، ويتنقلوا من السجن ده للمعتقل ده ... ومع ذلك الصوت ما سكتش ، وإمام فضل يغني وجسمه بينزف قُبل برغم اللي خان ورغم اللي كان...
انتقل الشيخ إمام بين أكتر من دولة خاصة ما بين فرنسا وتونس والجزائر وأحبابه في تونس كانوا كتير ، وعمل حفلات في فرنسا تحت رعاية وزارة الثقافة الفرنسية ،وبترحيب كبير كان بيغني هناك.
صوت إمام فضل إمام وسط الزنازين يرج الصدى قلوب الأحبة والمتيمين في حُب البلد وحُب الحبيب... كل لحظة وأنت صوتك شفيعنا يا عمنا ^_^
المشاركات
ليست هناك تعليقات:
إرسال تعليق