ليه يا وطن

حُب الوطن فرض علىَ
أفديه بروحى وعينىَ
ليه يا وطن أمنك أسى
بمداسه دايس على راسى
أخدنى من أهلى وناسى
قتلنى وبضربة قوية
كنا زمان ننعس بدرى أو وخرى
أمنك يحرسنا
جه اللى ماسك فى الكرسى
بكلابه عايز يخرسنا
سحلونى والشَدة غبية
لا قالوا شاب ولا صبية
عسكر ورافع لسلاحه
فى وش من قال يوم
لأ
لا قلت همشى فى مظاهرة
ورسمت يافطة أطوف بها
كل اللى قُلته فى يوم
لأ
وأخدت بعدِها الزقة
شخطوا وخبطونى الخبطة
رحت يا وطن قتيل فيها
ليه يا وطن أمنك أسى
وحب الوطن فرض علىَ؟!!!!!