يوما ما كانت هناك حياة

حتى مطلع الألفية برغم المآسي والمأزق كانت الحياة حياة، تُطبخ على مهل، وتنضج على مهل فنشعر بمذاقها الحلو والعلقم، ونستنشق عبيرها المحيي والزاكم. يومًا ما كانت هناك حياة...

جمل التمني بالنفي في العامية المصرية

إن شا الله ما أشتهيك.
مانجيلكوش في حاجة وحشة، نجيلكم في الفرح.
ماحدش يعزيكم وردها لا احنا ولا أنتم.
جمل النفي المصرية، وتعبيرات الود العامية الريفية...

دومًا تمثل لي الصيغ الريفية باب تأمل وحيرة، فكيف تنفي ما تتمناه.
الأولى
إن شا الله ما أشتهيك أبدًا، بتتقال في سياق تمني عدم الفقد أو الفراق، وإن ما تجيش فرصة وأقول ياريتك كنت جنبي وأنك تجيب لي الحاجة قبل ما أتمناهاوأطلبها. وعلى حد ظني أنها بتتقال دومًا لأفراد الأهل أو الأشخاص الأعزاء.
الاشتهاء من باب الرغبة فيهم دومًا جنبهم، ودي صيغة من صيغ التمني بالنفي في الدارجة المصرية.

الثانية والثالثة
تمني عدم حدوث مكروه أو ضرر ورغبة في تبادل الزيارات دائما في الأفراح، وعادة تقال في مناسبات العزاء والمرض.

عالم الذكور السري

العالم السري للذكور. ذلك الكيان الذي لم يفش سره حتى الآن، من جلسات وتجارب وتخبطات.
الضحكات الصاخبة، والدموع الحارقة، والانهزامات المريرة.
اعتدت أن أستشف بعض ملامح هذا العالم من نثر حكايا الأصدقاء المتباعدة، لم يعد هناك أصدقاء بعدما جف نبع الحكي. على أي حال يوم ما سيروي أحدهم ونقرأ له...

زمن المساخر أكم

زمن المساخر أكم
وأنا قلت شوفت بعيني
اتبغدد ابن البجم
والنطع زمنه سنيني...
3:09 AM - 7 Jan 2019
***
 الظلم مش دايم
والعدل لو قايم
كانت القلوب دي تلين...
 2:07 PM - 9 Jan 2019

السودان شهدت في الفترة الأخيرة انهيار اقتصادي شديد جدًا وقرارات حكومية مؤذية، تعويم العملة السودانية واقتراب الدولار الأمريكي من سعر 50 جنيه سوداني في البنوك، وما يقارب الـ 80 جنيه في السوق. ووصل الوضع إن الحكومة ماعندهاش سيولة تضخها في البنوك، مع التلويح بالضغط على التجار اللي أغلبهم ماحطوش فلوسهم في البنك خوفًا من أنهم ما يلاقوهاش تاني، وفي أول الشهر اتحرق سوق أمدرمان وهو واحد من أقدم وأكبر أسواق السودان وفضلت الحريقة أزيد من 8 ساعات شغالة لحد ما المحلات والبضايع فحمت ووصلت الخساير لـ 850 مليار جنيه. وظهر معتمد أمدرمان وقال حذرناهم من حريق هيحصل وبعدها لحق نفسه وقال حذرناهم إن لازم توسعوا الطرق علشان ماتحصلش كارثة وحريق. والكلام ده كان في 2ديسمبر الحالي، والأسبوع ده حصلت حريقة في سوق نيالا وهو سوق كبير ولا يقل أهمية عن سوق أم درمان، وطبعًا خراب مستعجل مع ارتفاعات مستمرة في الأسعار. لحد امبارح قامت الناس في عطبرة وما قعدتش. عطبرة مدينة صناعية وعمالية شبيهة لحلوان عندنا. وبيتقال عنها أرض الحديد والنار ده غير أنها آخر محطة مقرن أي ملتقى رافدي لنهر النيل قبل ما يروح على مصر. السودان بيقوم فيها تظاهرات من وقت للتاني واعتقالات لكن كانت حشود وشعارات وخلاص، المرة دي كانت الكبيرة حريق في مقر الحزب الحاكم في عطبرة وده شي مش هين أبدًا. وتم إعلان الطوارئ امبارح على عطبرة، والنهارده الاحتجاجات ممتدة لما حولها يعني من قيمة ساعة خروج الطلبة في بربر وهي مدينة جنب عطبرة ولو الحكومة ما أعلنتش قرارات تهدي الناس المسألة هتستمر...

هاي
الصادق المهدي مالوش علاقة باللي بيحصل اليوم في السودان وتحديدا عطبرة كون توافق مجيئه مع اندلاع الاحتجاجات الواسعة مع ذكرى إعلان الاستقلال مالوش علاقة باللي جاري علاوة على أنه المفروض هيدفن أخوه النهارده ولا بكره
باي

أمثال مصرية

هنا سأدون من فترة لأخرى الأمثال المصرية التي أتذكرها أو تمر علي في يومي أيًا كان تاريخه.هو مشروع قديم ولكن تأخرت في إخراجه.

* من سعده زمانه جاب بناته قبل صبيانه.
سعده = أسعده

* بخت العور هد الدور.

*  إن كانت عاوز تخطب خد لك رفيعة الوسط وإن كانت عاوز تمص قصب خد لك بيتين من الوسط.

* في القهر مدعية وفي الفرح منسية.

* يا جايبه في قفة خده في شليتة وروح.
* الشيخ البعيد سره باتع.
* وإن فاتك عنب مسرى إلحق رطب توت.
* قعدتي بين أعتابي ولا قعدتي بين أحبابي.
* إن بدك تفرح ابني كل سنة مطرح.
* إيش خاطر الأعمى، قفة عيون.
* ربنا ما بيديش الأعف عدله.
* خلف البنات بيحوج لنسب الكلاب.
* كل كار ستورة إلا كار الجاعورة.
* يا حسرة قهرك في ضهرك.
* امشي على كدك ما تمدش تشفى جروحك ما تمدش وللغير ايدك ما تمدش.
* ما دوب إتيابنا إلا أعز أحبابنا.
*  من يوم جبتكم يا دلالة ما نمت مع أبوكم عريانة ولا كلت بصلة بورقها ولا خسة بعصبها.

يجعل بيوت المحسنين عمار

ماعنديش اعتراض أبدًا على الناس اللي بتساعد في جهاز عرسان، خاصة الضروريات من الأجهزة اللي أي بيت بيحتاجها، ولكن نفسي مع كل جهاز بيتم مشاركة الجمعيات وأصحاب الفضل في تجهيزه، يتحط فيه مكنة خياطة أو تريكو أو أي جهاز، له مهنة تشارك وتساعد في المعايش، وأسرة لسه بتكون نفسها.
وفي المقابل يكون جزء من المكسب اللي الأسرة الجديدة دي هتطلعه، من جهاز العمل يدخل في تجهيز أسرة جديدة، كنوع من المشاركة المجتمعية. أو يكون في إلزام من الجمعيات الأهلية للعروسين بكده.  يكون دافع تنموي لهم وللمجتمع ككل...

محطات

ووحدة هذه الأماكن في هذا الوقت هي الألفة والونس. طرق لا وحشة في ليلها، ولا رهبة في صمت جدرانها. على العكس هذه الجدران تختزن ضجيج النهار وزحام أهله. تكتم سر الأحبة وتضم بصدرها أنين الحزانى وقلة حيلتهم، وتحتضن المسافر ووداعه...


من وحي صور أحمد أمين

محطات  

كلمات وجمل عامية من بلدي

مرجع متجدد ومحدث

عرقي مرقي
 يشُرّ
يتدربك
 يتمطوح
مضع
منئد